Gaurkoan, gure lan modularraren inguruko programazioaren inguruan arituko gara. Edukiak, helburuak eta ebaluazioaren inguruko nondik-norakoak azalduz.
KONTZEPTUZKOAK:
✓Adimen anitzak: logiko-matematikoa, espaziala, naturalista, musikala, zinetikoa, interpertsonala, intrapertsonala eta linguistikoa
✓Magnitudeak: luzera, edukiera, pisua eta denbora
✓Eragiketa matematikoak: batuketa, kenketa, biderketa eta zatiketa
✓ Problemen estrategiak: gutxi gorabeherako kalkulua, saiakera-akatsa, antzekotasuna, esperimentazioa, antolakuntza eta kodetzea.
PROZEDURAZKOAK:
✓ Problemak ebazteko emandako pausoen arrazoiketa eta identifikazioa.
✓ Proposaturiko problemetako datuen ebazpena eta interpretazioa.
✓ Problemak ebaztean esperimentazioa
JARRERAZKOAK:
✓ Proposatutako jardueretan jarrera positiboa
✓ Talde lanarekiko prestutasuna
✓ Problemei eta egoerei buruzko gogoeta
HELBURUAK:
✓ Problemak ebaztea, gogoeta eginez eta enuntziatua arretaz aztertuz.
✓ Estrategia ezberdinak aplikatuz magnitudeekin lotutako egoera problematikoak ebaztea.
✓ Parkeko elementuak sailkatzea, zuhaitz-diagraman oinarrituz.
✓ Lorturiko luzera-neurriak ordenatzea, datuak konparatuz.
✓ Problemak ebaztea, talde lanean oinarrituz.
✓ Hainbat eragiketa motak parte hartzen duten egoerei dagozkien adierazpen aritmetikoak kalkulatzea, dauzkaten baliabideekin esperimentatuz.
✓ Gogoeta eginez eta ahoz nahiz idatziz, problema aritmetikoak ebaztea, enuntziatua arretaz aztertuz eta erantzuteko dugun espazioaren erabilera ondo planifikatuz.
EBALUAZIOA:
Ebaluazio adierazleak
✓ Lanak taldean egin ditu.
✓ Ikaskideak errespetatu ditu.
✓ Proposatutako estrategiak erabiliz problemak ebazten ditu.
✓ Ariketak txukun eta ondo antolatuta ebazten ditu.
✓ Adimen anitzak lantzeko esfortzua egiten du.
✓ Dituen baliabideak egoki erabili eta etekina ateratzen die.
Ebaluazioa
Gure jardueren ebaluazioa aurrera eramateko ondorengo honetan oinarrituko gara: haurrak proposaturiko problemak betetzen ari diren bitartean, irakasleak beraiek egindakoa eta beraien jarrera behatuko du notatxoak hartzeko.
Ondoren, jarduerak bukatu ondoren, taldea irakaslearekin batera bilduko da borobil batean eta irakasleak egindako jardueren inguruan galderak egingo ditu. Ondorioz, irakasleak aukera izango du edukiak barneratu dituzten ikusteko eta arazoak edo hobetu beharrekoak esateko ikasleei
.
Ebaluazioa jarraia izan behar delakoan gaude, beraz, jardueraren ondoren izango da, ez beranduago. Horrez gain, ebaluazioa borobilean eserita egingo da, gelaren horizontalidadea mantentzen duela.
Ebaluaketa honen bidez, eta adimen anitzekin loturik ikasle bakoitzak zein adimen dituen garatuen edota zein arlotan moldatzen den egokien jakiteko aukera izango du irakasleak. Hortaz, haurrek jolastzat hartzen duten problema sekuentzia honek bide emanen dio irakasleari ikasle bakoitzak garatuen dituen adimenak identifikatzeko eta ikasleen gustuak.
METODOLOGIA:
Guk aukeratutako gaia parkea izan da. Gai honek, motibazioa eta interesa pizten ditu ikasleengan, ondorioz, testuinguru paregabea iruditzen zaigu problemak lantzeko. Gainera, parkean probleman egiteak aukera zabala eskaintzen digu adimen anitzak lantzerako orduan, adimen guztiak landu baititugu.
Problemak taldean egitea erabaki dugu, talde-lana sustatuz, elkarren arteko kooperazio eta komunikazioa garatzeko asmoz. Proposaturiko problemak, jolas moduan planteatu ditugu, guztiak Bigarren Zikloko haurrei egokituak, era honetan, haurrek ongi pasatzeaz gain, ikasi ere egiten dute eta, ondorioz, jolasak baliabide egokiak iruditu zaizkigu. Ariketak egin aurretik, Oinarrizko Kurrikulumari begirada bat eman diogu eta honela osatu ditugu jarduerak, beraien mailara egokituta.
Pepini ipotxa
Gure jarduera sekuentziak jolas zabal bat osatzen du, "altxorraren bila"
delakoaren antzekoa. Bertan, galdutako altxorra ipotx atxilotua da. Altxorra aurkitzeko, hamabi problemak ebatzi beharko dituzte, eta honela, irakasleak problema bakoitza betetzean, ongi egonez gero, pista bat emango die, kartzelaren kokalekuaren nondik-norakoekin. Behin jarduera sekuentzia amaitu ostean eta hamabi pistak lortu ondoren, ipotxa non dagoen aurkitu beharko dute, eta hau izango da beraien saria.
Hori egiteko, berriz, bizpahiru ordu beharko dituzte, maila ezberdinetako problemak baitaude eta desplazamendu asko eskatzen baitute.
Beraz, ezbairik gabe, lagun giroan eta parkea bezalako eremu dibertigarrian, dibertsioz beterik eta modu aktibo batean adimen logiko-matematikoa nahiz besteak (naturalista, interpertsonala, intrapertsonala, espaziala, musikala, zinetikoa eta lingusitikoa) lantzeko abagune aproposa delakoan gaude.
Parkea